Абакка баңгизат ыргытууга аракет кылган кишинин  жанындагы киши  милиция кызматкери болгон

Мезгил

Абактын тосмосунан баңгизат ыргытууга аракет кылган кишинин  жанындагы киши  милиция кызматкери экени белгилүу болду. Бул тууралуу Жаза аткаруу боюнча мамлекеттик кызматтан кабарлашты.

Маалымдалгандай, окуя мындан бир жыл мурда, 2017-жылдын аягында болгон. Анда Чүй облусуна караштуу Молдовановка айылында жайгашкан №27 абакка тосмо аркылуу баңгизатын ыргытуу аракети майнапсыз болуп, алардын бири кармалган. Ал эми экинчиси качып кеткен.

Мамлекеттик соттук экспертизалык кызматтын тыянагында, ал жерден алынган баңги зат — 189,67 граммдык марихуана экендиги айтылган. Бул фактыдан кийин Кылмыш кодексинин 247-беренесинин негизинде кылмыш иши козголгон. Тергөө иштеринин натыйжасында, Бишкектеги райондук милицияда иштеген 34 жаштагы кызматкер шектелип, колго түшүрүлдү.

Учурда кылмыш иш соттун кароосуна жөнөтүлдү.

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *