Балдар үчүн жалпы жарандык паспорттор эми 10 күндүн ичинде бериле баштайт

 Мезгил

Балдар үчүн жалпы жарандык паспорттор эми кыска убакыттын ичинде бериле баштайт. Паспортту берүү мөөнөтү 18 күндөн 10 күнгө кыскартылды.  Бул тууралуу өкмөттүн маалымат кызматы билдирди. 

Маалым болгондой, 28-июлда тиешелүү Токтомго премьер-министр Мухаммедкалый Абылгазиев кол коюп, Токтом 2019-жылдын 5-июлунан баштап күчүнө кирди.

Кыргыз Республикасынын жаранынын 2017-жылдын үлгүсүндөгү идентификациялык картасы – паспорту (ID-карта) жана Кыргыз Республикасынын жаранынын 2006-жылдын үлгүсүндөгү жалпы жарандык паспорту боюнча документтерди кабыл алуу жана аларды тариздөө, даярдоо (жекелештирүү), эсепке алуу, берүү жана жок кылуу тартиби жөнүндө нускаманы бекитүү тууралуу Өкмөттүн токтомуна өзгөртүүлөр киргизилди.

Ошентип 16 жашка чейинки балдарга жалпы граждандык паспорттор 10 күндүн ичинде берилет.

Булак: Мезгил ньюс

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *