Мезгил.
Депутат Мухтар Айнакуловдун билдирүүсүнө КСДП кеч калбай жооп кайтарды. Аталган депутат Кубат Оторбаевди парламент акыйкатчылыкка ал кездеги президенттин аппарат жетекчиси Фарид Ниязовдун көрсөтмөсү менен шайлагандыгын жарыялаган болчу.
Ал эми КСДП бул маалыматты чындыкка коошпойт деп билдирди. Фарид Ниязов: “Мен эч убакта депутаттарды башкарган эмесмин”, – деди.
“Бирдиктүү чечим кабыл алуу керек. Мурда Фарид келип, муну мындай кылыш керек десе, баары колун көтөрүп, бирдиктүү чечим кабыл алышкан. Ошентип, бир добуштан Кубат Оторбаевди шайладык. Анан эмне болду? Ал бизге келип отчет берип да койгон жок”. – (КСДП фракциясынын жыйынындагы Мухтар Айнакуловдун сөзү)
Мурдагы акыйкатчы Кубат Оторбаев кызматтан өз каалоосу менен ушул жылдын июнь айында кеткен. Учурда парламент жаңы акыйкатчыны шайлоого даярдык көрүүдө.
Булак: Мезгил Ньюс
