Садыр Жапаров Россияга болгон иш сапарында 100 миллион доллар насыя сурайт

   Мезгил

Президент Садыр Жапаров Россияга болгон иш сапарынын алкагында Евразия турукташтыруу жана өнүктүрүү фондунан 100 миллион доллар насыя алуу боюнча сүйлөшөт. Бул туурасында тышкы иштер министри Руслан Казакбаев журналисттерге берген маегинде билдирди.

 Казакбаевдин айтымында, кредитти жеңилдетилген шартта алуу каралып жатат.

«Аталган фонддун каржылоосу экономиканы, социалдык секторду колдоо, каржылык тобокелчиликтерди жоюу жана макроэкономиканы турукташтыруу үчүн антикризистик чараларды жүзөгө ашырууга жардам берет. Реформа баштоо үчүн өлкөдө, анын ичинде экономикалык жана социалдык тармактарда туруктуулук болушу керек. Ошондуктан биз үчүн бул жардам өтө маанилүү», — деди Казакбаев.

Москвадагы жолугушууда өнөр-жай, тышкы саясат жана мигранттар боюнча маселелер козголору дагы айтылды.

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *