Сооронбай Жээнбеков: Президенттин тууганымын деп алдап, ар кайсы жерге ишке орношкондор да бар экен

Мезгил. 

“Мен Бакиев эмесмин”, – деген президент эч убакта үй-бүлөсүн бийликке аралаштырбай турганын убада кылды.

Президент Сооронбай Жээнбеков   Чүй облусунун Кемин районуна болгон иш сапарынын алкагында жергиликтүү тургундар менен жолугушту. Ал үй-бүлөлүк башкарууга жол бербей турганын кайталады. Мамлекет башчы президенттин атын сатып, ар кандай иш кылгандарды жазалоону тапшырганын билдирди.

– Атайылап “Жээнбеков Бакиев болуп калды, бир туугандары бийлеп, тейлеп жатат” деп айтып жатышат. Мен эч кимди кийлигиштирбейм, билип калсам ага катуу чара көрөм. Аны баары билет. Бирок менде азыр мен тааныбаган “тууган”, “дос” көбөйдү, ар жерден чыгып жатышат. Ооруканага, ал жак, бул жакка барып, “тууганы болом” деп кызматка тургандар көбөйүптүр. Мен айтпайм дагы, ошентип айтса андай шылуундарды камагыла деп жатам. Мурдагы президенттердин тажрыйбасы мага чоң сабак. Менин бир уул, бир кызым бар. Уулум 4-класста окуйт. Ал Максим Бакиевдей болгончо мен кызматтан кетем. Менин максатын – президенттикти жакшы тапшырып, эл менен аралашып жүрүү.

Жолугушууда президент өлкөнү өнүктүрүү үчүн аймактарды көтөрүү керектигин белгилеп, элдин суроолоруна жооп берди.

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *