Бакир Таиров: 700 млн $ эмес, 932 млн 736 миң $ которулган

Мезгил

Бүгүн парламенттин 2 комитетинин биргелешкен жыйынында ЭКККБнын (финпол) жетекчиси Бакир Таиров Кыргызстандан чыгарылып кеткен делген чуулгандуу акчалар тууралуу төмөнкүдөй деди:

“Биз Кыргызстандын 17 банкынан 3 кишинин акча которуулары боюнча иликтөө жүргүзгөнбүз. Анда 700 миллион доллар эмес, 932 млиллион 736 миң доллар Айеркен Саймаити, жубайы жана “Абдыраз” компаниясынын атынан Кытай, Түркия, Литва, Улуу Бритарния, Германия ж.б. өлкөлөргө жүздөгөн контрагенттердин эсебине которулган. Которуулар текстиль, курулуш материалдарын, электр товарларын, карызды кайтаруу, жер тилкесин, кыймылсыз мүлк ж.б. сатып алуу үчүн жасалгандыгы белгилүү болгон.

Бул банктардын расмий жооптору. Бул фактылар боюнча 19-июлда Саймаити кирешелерди көрсөткөн декларация тапшырбай, 2 миллиард 602 миллион сом салык төлөбөгөндүгү тууралуу текшерүүнү баштаганбыз. Бул фактылар ККнын 231-беренеси, “Бюджетке салык жана башка милдеттүү төлөмдөрдү төлөөдөн четтөө” боюнча иш козголуп, ал өз алдынча өндүрүшкө бөлүнгөн. 2019-жылдын 30-августунан тартып Саймаитиге соттун чечими менен камоого алуу боюнча сырттан чечим чыгарылган. 1-сентябрдан тартып ал издөөгө алынган”.

Булак: Мезгил ньюс 

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *