Биз коомчулуктун катуу сынына кабылдык. Боронов кечирим сурады

Мезгил

  Премьер-министр Кубатбек Боронов жакында эле тартылган Өкмөт үйүнүн алдындагы сүрөт боюнча түшүндүрмө берди. Бул тууралуу өкмөттүн маалымат кызматы билдирди. 

«Барыңарга белгилүү болгондой, ошол күнү Жогорку Кеңеш мени Премьер-министр катары жана Өкмөттүн курамын бекиткен. Парламент жыйынына катышкандан кийин Өкмөт үйүнө жумушка бардык. Салт болуп калгандай эле, фракция лидерлери жана Президенттик Аппараттын жетекчиси менен биргеликте Премьер-министрдин иш бөлмөсүнө бардык. Алар кеткенден кийин Мухаммедкалый Дүйшекеевич экөөбүз документтерди карап, жумуш тууралуу бир аз сүйлөштүк.  Андан кийин мурдагы Премьер-министрди узатуу үчүн сыртка чыгуубузду өтүнүштү. 

Коридордо Өкмөт Аппаратынын бир топ кызматкери туруптур. Алардын бары беткап тагынып турушкан. Бизге сыртка чыгып, сүрөткө түшүүнү сунуш кылышты. Сүрөткө түшүү маалында бизге беткаптарды чечип турууну өтүнүштү. Ошол учурда буга маани бербегениме өкүнүп жатам. Дал ошол учур акыркы алты ай ичиндеги бардык иштерибизге көлөкө түшүрдү.  Албетте, биз коомчулуктун катуу сынына кабылдык. Бул туура», – деди Өкмөт башчы.

Кубатбек Боронов Премьер-министр жана коронавирус инфекциясына каршы күрөшүү боюнча республикалык штабдын башчысы катары бардык кыргызстандыктардан кечирим сурады. 

Ал тартылган түзүмдөр бул илдет менен күрөшүүнү улантарын эскертип, жарандарга негизги талаптар – бет кап тагынуу жана социалдык аралыкты сактоону кармануу зарылдыгын эскертти.

«Коопсуздук кеңеши өз сунуштарын берди жана биз төмөнкү чечимге келдик. Мыйзамга өзүмдөн тартып, вице-премьер-министрлер, аппарат жетекчиси жана мурдагы премьер-министр айыппул төлөшөт. Аппараттын кызматкерлерине айыппул салынбайт, анткени аларды иш учурунда бөлүм башчылары экс-премьерди узатууга чакырышкан. Ошондуктан алар жазаланышпайт.  Өкмөттүн аппаратынын кызматкерлери жумушта бет кап тагынып жүрүшөт деп ишендирип кетем. Дагы бир жолу кечирим сурайм», – деп жыйынтыктады Премьер-министр Кубатбек Боронов.

Белгилей кетсек, 17-июнда Өкмөт үйүндө  премьер-министрдин  ыйгарым укуктарын өткөрүп берүү расмий иш-чарасы өттү. Андан тартылган сүрөт соцтармактарга тарап, катуу талкууга алынды. Буга себеп  сүрөттөгү өкмөт мүчөлөрүнүн маска тагынбай жүргөнү болду.

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *