Мелис Мырзакматов акталды

   Мезгил

Оштун мурдагы мэри Мелис Мырзакматов акталды.  Бул тууралуу Жогорку соттун басма сөз кызматы билдирди.

Маалыматка ылайык, Жогорку соттун токтому менен Мырзакматов жөнүндөгү Ош шаардык сотунун 2020-жылдын 15-октябрындагы, ошондой эле Ош облустук сотунун Жазык иштери жана жоруктар жөнүндө иштер боюнча соттук коллегиясынын 16-октябрындагы өкүмдөрү күчүндө калтырылды. Ал эми Ош шаардык прокуратурасынын кассациялык сунушу канааттандырылган жок.

Белгилей кетсек, Оштун мурдагы мэри Мелис Мырзакматовго карата 2014-жылы кылмыш иши козголгон. Ал шаарды аралап өтчү асма көпүрөнү салууда мамлекетке 29 миллион сом өлчөмүндө зыян келтирген деп айыпталган. Анда мурдагы шаар мэри өлкөдөн чыгып кеткен. Кийинчерээк ага издөө жарыяланган. 2015-жылы ал жети жылга соттолгон. Үстүбүздөгү жылдын 5-6-октябрында орун алган башаламандык учурунда ал Кыргызстанга кайтып келген.

Мезгил ньюс 

Бөлүшкүлө

Share to Google Plus
Share to MyWorld
Share to Odnoklassniki

Leave a Reply

Your email address will not be published. Required fields are marked *