Сурагыла жооп беребиз: Сүйүнчү жана жөлөк пулду кантип алса болот?

Мезгил

Мыйзам боюнча жөлөк пулдун үч түрү каралган. Алар: “балага сүйүнчү”, “балага жөлөк” жана “үй-бүлөгө көмөк”.

Тактап айтканда  2018-жылдын биринчи январынан тарта күчүнө кирген “Кыргыз Республикасынын мамлекеттик жөлөк пулдары жөнүндө” мыйзам долбоорунун негизинде жаңы төрөлгөн бардык балдарга, ата-энесининин турмуш шартына карабастан бирдей суммада – 4000 сом сүйүнчү пул берилет. Сүйүнчү пулду  ата-энелер баласы бир жашка чыкканга чейин кайрылган убакта гана ала алышат.

Наристеӊиз үч жашка чыкканга чейин ай сайын -700 сомдон жөлөк пул ала аласыз. Бул сумма 700 сомдон ашык да, кем да болбойт. Ошондой эле жөлөк пул ымыркайдын ата-энесинин иштегенине же үйдө отурганына карабастан берилет. Жөлөк пулдун суммасын сиздин алыскы тоолуу  аймакта, же шаарда жашаганыӊыз өзгөртө албайт. Тактап айтканда Кыргыз Республикасынын мыйзамдарына ылайык баардык жарандар бирдей суммада 700 сом өлчөмүндө мамлекет тарабынан жөлөк пул алат.

“Сүйүнчү жана жөлөк” пулду кимдер ала албайт?

-Балдар үйлөрүнө өткөрүп берилген наристеге гана мамлекет тарабынан сүйүнчү пул дагы, жөлөк пул дагы берилбейт.

Сүйүнчү пул качан берилет?

-“Балага сүйүнчү” – ымыркай төрөлгөндө бир жолу берилчү акча. Анын суммасы – 4 миң сомду түзөт. Сүйүнчү пулду 2018-жылдын 1-январынан баштап төрөлгөн балдар гана алат. Ошондой эле сүйүнчү пулду жаңы төрөлгөн бардык ымыркайлар, анын ичинде асырап алынган наристелер да алууга укуктуу. Асырап алынган балага сүйүнчү пул алуу үчүн өзүнүн балдарына керектүү болгон документтер сыяктуу эле арыз ээсинин паспорту, баланын төрөлгөндүгү тууралуу күбөлүгү жана жашаган жеринен маалымдама алып баруу керек.

Жөлөк пул

-“Балага жөлөк” – үч жашка чейинки ар бир баланы багууга мамлекет тарабынан берилүүчү көмөк. Анын суммасы  – 700 сомду түзөт. Жаңы мыйзамга ылайык үч жашка чейин төлөнө турган жөлөк пулду баласы үчкө чыга электер да ала алат. Болгону 1-январдан тарта тийиштүү документтерди социалдык өнүктүрүү бөлүмдөрүнө өткөрүп коюу зарыл. Мисалы, эгер балаңыз эки жашта болсо, документтерди тапшыргандан кийин бир жыл бою ай сайын мамлекет тарабынан 700 сомдон жөлөк пул ала аласыз. Жогоруда аталган биринчи жана экинчи жөлөк пул жаш балдардын өнүгүшүн жакшыртууга багытталган. Мамлекет энеге (же атага) баланы кароо үчүн эмгек өргүу алууга мүмкүнчүлүк берет. Муну менен мамлекет үй-бүлө мүчөлөрүнүн жынысына карабай үйдө балдарды тарбиялоого жумшаган эмгегине кенемте төлөө милдетин өзүнө алат.

Ошондой эле интернационалдык үй-бүлөлөр жөлөк пулду жалпы негизги шарттар менен алышат. Жөлөк пул алуу үчүн Кыргызстанда жашаган жана жарандык алган чет элдиктер дагы кайрыла алышат. Эгерде 3 жашка чейинки бала Кыргызстандын жараны болсо, анда сүйүнчү пул Кыргызстандын башка жарандарынын балдарына берилгендей эле берилет.

Үй-бүлөгө көмөк

-“Үй-бүлөгө көмөк” – 3төн 16 жашка чейинки ар бир үчүнчү балага ай сайын берилчү жөлөк пул. Өлчөмү  500 сом. Жөлөк пулдун бул түрү 3 жаштан 16 жашка чейинки 3 же андан көп балалуу үй-бүлөлөргө, үй-бүлөнүн кирешесине карап эмес, андагы балдардын санына жараша ай сайын берилет.

Кандай документтер керек?

-Ата-энесинин паспорту (ажырашкан үй-бүлөдө баланы ким багып жатса ошонун паспорту талап кылынат);

  • Баланын күбөлүгү;
  • Жашаган жеринен справка.

-Эгер баланы асырап алсаӊыз мыйзамдуу түрдө багып алууга уруксат берген соттун чечими керек.

Сүйүнчү акча, жөлөк пулду кайдан алууга болот?

Тийиштүү документтерди өткөргөндөн кийин банктан же почтадан алынат. Мамлекеттик жөлөк пул үчүн жылына мамлекеттик казынадан 8 миллиард сом керектелет.

Булак: Мезгил Ньюс

Бөлүшкүлө

Share to Google Plus
Share to MyWorld
Share to Odnoklassniki

16 Comments on “Сурагыла жооп беребиз: Сүйүнчү жана жөлөк пулду кантип алса болот?”

  1. Саламатсыздарбы биздин уч балабыз бар эки жыл жолок пул алып быйыл документ тапшырсам жолдошунун наамында машина бар экен деп откорбой койду машина мурдратан эле бар кичине балам бирде

  2. Учунчу кызым жакында москвадан торолду азр кыргызстандабыз биз дагы суйунчу акчаны алсак болобу? кызым 3айлык

  3. Саламатсыздарбы биз 1чи балама баштап жолок пул алчуубуз ..Азыр уч балалуу болдук 2019октябрда тапшырган куну жутуп калды тапшыралы Десек 1998жылкы спринтер бортовой деген машины кайним алып паспорту жок куйоом каттатып койгон. Ошонун негизирде бербейбиз деп даяр алып барган документтерди алып калып кол койуп бер деп тапшыртпай койушту. Куйоом экобуз тен иштебейбиз айылда турабыз. кышында кайнагаларымдын 2уй 2торпогу. Биздин 1уй 1торпогубуз бар. Ошону барып уйдобуз. Продукты биякта эле калсын. памперске жетпей калып атабыз. Эмне кылсак болот. Кайним алган машина бузук турат анысы дзил май куйат дейт оталбайт экен кышында. Оталса деле мсторур басыш керек дейт жооп берип койунуздарчы сураныч.

  4. Менин уч балам бар.эримди алиментке бергенмин толобой жатат.юристер алиментов алсан деле пособия алсан болот дешти.карантин учурунда кантип узартсам болот.алты жыл мурда иштеген жеримде иштеп жатат дер дахоту ашып кеткен дер токтотуп коюшкан.

  5. Уч бала менен ишсизмин.жолок пул алуууну жаны жылдан бери токтотуп коюшуптур.мен иштебеген жерде иштеп жатат деп.справка алып тапшырганмын иштебей жатканым тууралуу Эми карантин дешип жатат.смен болуп иштеп жатышат деп уктум.жалгыз энемин

  6. Саламатсызбы мен Бишкеке кочуп келгениме1 жарым жыл болду 5 балам бар озум менен квартирада турам учотум айылда бишкеке кетип калды деп пособиями токтотуп койушту кайра кантип чыгартсам болот кыйналып кеттик

  7. Саламатсыздарбы менин Уч бабам бар жолок пул албайм пасобия да бербей жатышат айлда турбайт экенсинер кызыл китебинер жок экен деп азыркы учурда Бишкекте турабыз квартирада бул жактан алсам болобу балдарым кичине 6жаш 3жаш 9ай рахмат.

  8. Кутмандуу кундорунуздор менен! Биз – чон ата менен чон эне келиним тороттон кийин эле кайтыш болгондон бери неберелерибиз- 6 жаш жана жаны торолгон ымыркайды багып жатабыз. Учурда аларды неберелерибиздин атасы – уулубуздун балдарды багуу шартынын ынгайсыздыгына байланыштуу озубузго каттап асырап алуу аракетиндебиз. Неберелер ар дайым биз менен биргеликте жашап келишет.Ата , апа деп айтышат бизди. Эгерде бул ишибиз аяктаса балдарга жолок жана комок пулдарын ала алабызбы. Биз пенсиядабыз, неберелерибизди озубуздун чон балдарыбыздын колдоосу менен бакмак болдук.

  9. Саламатсыздарбы?
    Учурда карантин болуп документ тапшыра албай жатабыз.Кандай байланышсам болот сиздер мн ?

  10. Саламатсыздарбы
    Жогорудагы статьяда ата-энеси иштеген, иштебегенине карабастан 3 жашка чейин жөлөкпул алууга укуктуу деп жүрөт го. Ушул туурабы.
    Менин 6 балам бар кичинекейим эми 2ге чыгат. Өзүм иштейм, ошондуктан сен жөлөкпул ала албайсың деп коюшкан. Жооп берип коюңуздар.
    Рахмат

  11. Саламатсыздарбы пасобиени атасы мектепте иштеген Бирок жашоо шарты оор абалда болсо берилеби 2 балага?Жогоруда жазылган документ эле кетеби?Канча сом толонот жолок пулга документ тапшыпып жатканда?

  12. Саламатсынар! Мен Мурсалиева Гуланда .Менин 5 балам бар .Куйондун машинасы бар экен ,уйун бар экен ,куйон иштейт экен деп бербей койушту. Мен болсо иштебейм. Биринчи май соц фонто 1жыл чуркадым.Эгиз кыздарыма да акча алалган жокмун . Кимге кайрылсам болот .Жардам беруунусторду суранам.

  13. Саламатсыздарбы биздин 4 балабыз бар буюрса бешинчиси жакында көз жарат . Жолдошум экөөбүздун учурда туруктуу жумушубуз жоок ,өзүбүз кварт. да турабыз. Балдардын документин пособияга тапшыралы деп жатканбыз каякта кантип тапшырсам болот . Улуу эки балам окуйт, алардын окуусуна да билинбей эле көп акча кетип калат экен. Ушу пособия алсак кичине жардам болуп калат эле деген кеп. Буга чейин эч жерден акча жөлөк пул дегендерди алган жокбуз. Азыркы учурда Бишкекте турабыз. Бизге жардам кылып пособия чектеп берсеңиздер жакшы болот эле. Көңүл бурганынызга чооң рахмат!

  14. Үйүңөр жакшы ремонт болгон экен жолок пул берилбейт деп кетишти бул кандай?үйүмдө бир эчки же улак жок.3 балам бар,аялым эч жерде иштебейт,өзүм россияда мигрантмын.Эл ушунча суроолор беришти неге жооп берилбей жатат?

  15. Салабатсыздарбы менин беш балам бар алардын атасы Рассия жараны биз жолок пулы ала албайбыз мен иштебейм атасынын дагы иштебейт Жолок пулды кантип алсак болодужардам бергилечи сураныч

Leave a Reply

Your email address will not be published. Required fields are marked *